NGUJUBAN
KARUHUN
Di unggal lembur
ngagaduhan kabudayaan sareng kabiasaan anu heunteu sami. Aya anu
dilaksanakeunana dina acara hajatan, dina muludan, dina dinten lebaran, atawa
dina wengi kaping 15 mandi ngabumbang, aya oge ngujuban dina wengi jumaah kaliwonan.
Sapertos
di desa Cikadu Kec. Kadugede Kab. Kuningan Jawa Barat, aya keneh kabiasaan anu
masih sok dilaksanakeun dina unggal wengi jumaah kaliwon, nyaeta acara ngujuban
karuhun. Ari karuhun teh nyaeta kulawargi anu tos maot. Nurutkeun carita jalmi
sepuh, acara ngujuban ieu teh ngemutkeun kapara karuhun atanapi ka kulawargi
anu tos tilar didunya naon bae katuangan, ka sedepna salami didunya.
Ngujuban
teh biasana disayagikeun ku sababaraha macem, aya anu nganggo kueh 7 rupi, aya
oge anu 11 rupi, sareng rupi-rupi leueuteun sapertos cai teh biasa, cai teh
amis, kopi pait, kopi amis, kopi susu, susu biasa, sampe aya nu mung ukur
nyayagikeun cai herang. Jeung aya deui anu sok nganggo sangu sareng rencangna,
roko atanapi sulutru. Teras biasana sok nganggo kembang anu 7 rupi atawa 11
rupi teras dileubeutkeun dina cai herang.
Upami
parantos kumplit sok di ujubkeun atanapi sok di tujubkeun kapara karuhun anu
disebatkeun nami-namina bari di doa’keun supados ditampi iman islamna,
dileubeutkeun kana sawarga sareng tempat keun di sisi Allah S.W.T, bari di
pang-ngaoskeun surah Yasin. Ieu informasi teh nara sumberna ti mamah.
Tidak ada komentar:
Posting Komentar