RAPAT ACARA BULAN BAHASA
Wullan salaku ketua OSIS SMA NEGERI 2 BANDUNG.
Manehna kapapancenan mingpin rapat ngeunaan rencana acara bulan bahasa anu tiap
2 taun sakali diayakeun.
Wullan : “Assalamualaikum Wr. Wb. Pangurus OSIS SMA
NEGERI 2 BANDUNG nu ku sim kuring dipika cinta. Sateuacan rapat ieu dikawitan mangga urang ngaoskeun basmallah sasarengan. Bismillahirohmanirohim.”
Nu rapat :
“(sasarengan) Bismillahirohmanirohim.”
Wullan :
“Hatur nuhun ka saderek sadaya kana kasumpinganana. Mudah mudahan ieu rapat teh
tiasa lumangsung lungsur langsar nu sakumaha dipiharep. Sakumaha anu
kaunggel dina serat uleman, rapat dina dinten ieu teh
bade ngabadantenkeun perkawis acara bulan bahasa periode 2013-2014.”
Sita :
“Hapunten saderek Wullan sim kuring motong cariosanana, dina ieu acara teh
seksi naon bae anu kaasup kana acara bulan bahasa teh?”
Wullan :
“Nya pasti na mah seksi kesenian, seksi kerohanian, sareng seksi kabudayaan,
anu bade diiluan ku unggal kelas, ti kawit kelas X-XI-XII. Urang
ngabujeung enggalna wae, sim kuring bade langsung wae ngahaturanan unggal seksi
kanggo ngadugikeun program kerjana. Urang kawitan waé ti seksi kasenian. Ka saderek Imam dihaturanan.”
Imam : “Hatur nuhun
saderek Wullan.
Salaku pupuhu dina ieu rapat. Simkuring sareng anggota seksi kasenian
parantos ngararancang program kagiatan. Kahiji, ngayakeun lomba
nyanyi tradisional. Kadua, ngayakeun maca puisi. Anu mintonkeunana kelompok kasenian wawakil unggal kelas. Tempatna di
panggung seni. Nu katilu maca UUD’45 anu tempatna di aula sakola. Kitu tah
gambaran sementawis ti simkuring. Mangga bilih aya nu bade tumaros, nyawad,
atanapi masihan bongbolongan?”
Wullan : “Nuhun sae pisan
programna. Sim kuring satuju pisan kana program kagiatan nu diajukeun ku seksi
kasenian.”
Nu rapat :
“katampi. Leres pisan.”
Wullan : “Salajengna,
mangga ka seksi kerohanian kanggo ngaduikeun program kagiatanna.
Ka sadérék Sita dihaturanan.”
Sita :
“Hatur nuhun saderek Wullan, salaku pupuhu dina ieu rapat. seksi kerohanian bade
neraskeun program kagiatan anu tos biasa dilaksanakeun unggal
ngayakeun ieu acara nyaeta lomba MTQ. Kitu perkawisna mah.”
Doni :
“kumaha lamun lombana di tambih ku lomba da’wah?”
Sita :
“upami sanggeum sim kuring mah, tiasa kitu oge.”
Wulllan : “Panuju pisan
simkuring mah. Janten seksi karohanian mah intina téh bade
neraskeun program nu tos biasa dilaksanakeun ku pangurus kapungkur. Ngan tambihna
aya lomba da’wah. Salajeungna mangga ka seksi kabudayaan.
Mangga Nike dihaturanan!”
Nike :”Hatur
nuhun ka saderek ketua. Sim kuring sareng anggota seksi kabudayaan parantos
ngarancang naon bae anu bade di ayakeun dina acara bulan bahasa, nyaeta lomba
degung sareng tari tradisional anu tempatna di ruang multimedia. Kitu
gambaranna, kumaha bade aya nu di taroskeun?”
Nu rapat :
“katampi. Leres pisan”
Wullan : “Saderek, rarancang
kagiatan tos disaluyukeun ku urang sadayana. Atuh, ku margi waktos teu
nyekapan. Upami teu aya nu bade nyarios deui mah, rapat urang tutup waé dugi ka
dieu. Muggia program kagiatan urang, tiasa laksana kalawan lancer.
Wassalamualaikum Warrahmatullahi Wabarakaatuh.”
Nu rapat :
“wa’alaikum salam warohmatullahi wabarokatuh.”
Tidak ada komentar:
Posting Komentar